प्यालेस्टाइनलाई राष्ट्रको मान्यता दिने फ्रान्सको घोषणा, विश्वभर मिश्रित प्रतिक्रिया
मेयरसाप डेस्क | एक दिन अगाडि 
एजेन्सी । फ्रान्सका राष्ट्रपति इमानुएल म्याक्रोनले आगामी सेप्टेम्बरमा संयुक्त राष्ट्रसंघको महासभामा प्यालेस्टाइनलाई एक स्वतन्त्र राष्ट्रको रूपमा मान्यता दिने घोषणा गरेका छन् ।
उनले ’मध्यपूर्वमा न्याय र शान्तिका लागि ऐतिहासिक प्रतिबद्धता’ भन्दै गाजामा तत्काल युद्धविराम, बन्धकको रिहाइ र मानवीय सहायताको आवश्यकतामा जोड दिएका छन् ।
म्याक्रोनको यस घोषणालाई प्यालेस्टिनी अधिकारीहरूले स्वागत गरेका छन् । तर, इजरायली प्रधानमन्त्री बेन्जामिन नेतन्याहुले यसलाई ’आतंकवादलाई पुरस्कृत गरेको’ भन्दै कडा आलोचना गरेका छन् । अमेरिकी विदेशमन्त्री मार्को रुबियोले यस घोषणालाई ‘गैरजिम्मेवार’ र अक्टोबर ७ का पीडितहरूमाथिको झापड भन्दै निन्दा गरेका छन् ।
साउदी अरबले यसलाई ऐतिहासिक कदम भनेको छ भने स्पेनले यसको निन्दा गर्दै नेतन्याहुले अन्त्य गर्न चाहेको कुरामा साथ दिनुपर्ने बताएको छ । म्याक्रोनले सेप्टेम्बरमा अन्य देशहरूले पनि प्यालेस्टाइनलाई मान्यता दिने विश्वास व्यक्त गरेका छन् ।
संयुक्त राष्ट्रसंघका १९३ सदस्य राष्ट्रमध्ये १४० भन्दा बढीले प्यालेस्टाइनलाई मान्यता दिइसकेका छन्, तर अमेरिका र बेलायतजस्ता इजरायलका मुख्य सहयोगी राष्ट्रहरूले भने अझै मान्यता दिएका छैनन् ।
