दुर्गा प्रसाईंको थुनछेक आदेशविरुद्ध उच्च अदालतमा बहस जारी
मेयरसाप डेस्क | १७ घण्टा अगाडि 
काठमाडौं । गत चैतमा भएको राजावादी प्रदर्शनका क्रममा पक्राउ परेका मेडिकल व्यवसायी दुर्गा प्रसाईंलगायत चार जनाको मुद्दामा उच्च अदालतमा सुनुवाइ सुरु भएको छ ।
जिल्ला अदालत काठमाडौंले राज्यविरुद्धको कसुरमा पुर्पक्षका लागि थुनामा पठाउने आदेश दिएपछि प्रसाईंसहित सुशील बराल, डण्डपाणि रेग्मी र सरोज गौतमले उच्च अदालतमा पुनरावेदन गरेका थिए ।
बिहीबारबाट सुनुवाइ सुरु भए पनि नसकिएकाले यसलाई ’हेर्दाहेर्दै’ मा राखेर शुक्रबारका लागि पेशी तोकिएको थियो ।
चैत १५ गते तीनकुनेमा भएको प्रदर्शनमा आगजनी र तोडफोडको अभियोगमा उनीहरूलाई जिल्ला अदालतले थुनामा पठाउने आदेश दिएको थियो ।
