चितवनमा नागरिकतासहितका अत्यावश्यक सेवा सञ्चालन
मेयरसाप डेस्क
|
२०८२ असोज ५ गते ०५:२९
चितवन । ‘जेनजी’ आन्दोलनका क्रममा आगजनीबाट क्षतिग्रस्त बनेको जिल्ला प्रशासन कार्यालय चितवनले आजदेखि नागरिकतासहितका अत्यावश्यक सेवाहरू पुनः सुरु गरेको छ ।
प्रमुख जिल्ला अधिकारी गणेश अर्यालका अनुसार, नयाँ नागरिकता, नागरिकताको प्रतिलिपि, र नाबालक परिचयपत्र निर्माण लगायतका सेवाहरू सीमित कोठाबाट प्रवाह गर्न थालिएको छ ।
आन्दोलनपछि द्रुत गतिमा काम गरेर अन्य जिल्लाको तुलनामा चाँडै सेवा सुरु गर्न सफल भएको प्रजिअ अर्यालले बताए ।
केही दिनभित्रै राष्ट्रिय परिचयपत्रसम्बन्धी काम पनि सुरु गर्ने तयारी भइरहेको प्रशासनले जनाएको छ ।
Facebook Comments