अर्थमन्त्री खनाल भन्छन्– ‘प्रदेश खारेज गर्ने सम्भावना छैन’

मेयरसाप डेस्क

मोरङ । अर्थमन्त्री रामेश्वर खनालले प्रदेश संरचना खारेज गर्ने कुनै सम्भावना नरहेको स्पष्ट पारेका छन् । विराटनगर विमानस्थलमा सञ्चारकर्मीसँग कुरा गर्दै उनले वर्तमान सरकार संविधानअनुसार सञ्चालन भएकाले प्रदेश खारेज गर्नेबारे कुनै सोच नरहेको बताए ।

संघीय मामिला तथा सामान्य प्रशासन मन्त्रालयको समेत जिम्मेवारी सम्हालेका मन्त्री खनालले जेनजी आन्दोलनका क्रममा उठेका मागका बारेमा सरकार सकारात्मक भएको जनाए । एक प्रश्नको जवाफमा उनले एक हजार र पाँच सयका नोट प्रतिबन्ध लगाउने विषयमा अहिले कुनै छलफल नभएको जानकारी दिए ।

यसैगरी, भारत सरकारले लगाएको ’गुड्स सेल्स ट्याक्स’ घटाएको सम्बन्धमा अध्ययन भइरहेको र त्यसले उद्योग व्यवसायलाई कुनै क्षति पुर्याएमा सुधार गरिने उनको भनाइ थियो ।