रविको विश्वास–बालेनले देश बनाउने छ, हामीमाथि भएका सबै अन्यायको हिसाब लिनेछ

'मलाई त्यही दिन विश्वास भएको थियो बालेनले देश बनाउँछ'

मेयरसाप डेस्क

काठमाडौं। राष्ट्रिय स्वतन्त्र पार्टी (रास्वपा)का सभापति रवि लामिछानेले आफूले बालेनलाई भेटेको पाँच मिनेटमै देश बनाउने मानिस भेटेको महशुस भएको दाबी गरेका छन् ।  रास्वपाले जनकपुरधाममा आयोजना गरेको चुनावीसभालाई सम्बोधन गर्दै लामिछानेले बालेनले देश बनाउने दाबी गरे ।

उनले भने, ‘बालेनसँग भेट भएको पाँच मिनेटमै थाहा थियो हामी सँगै हिँड्न सक्छौं । वार्ता पाँच मिनेटमै सकिएको हो, बाँकी समय त एकअर्कालाई चिन्नमा खर्च गरेका थियौं । मलाई त्यही दिन विश्वास भएको थियो बालेनले देश बनाउँछ ।’

लामिछानेले अब आफू जेल नै जानु परे पनि कुनै चिन्ता नलागेको पनि बताए । उनले भने, ‘बच्चालाई टाउको र छातीमा गोली ठोकेर हेलिकोप्टमार भागेको सरकारले मलाई मुद्दैमुद्दा लगाएको छ । म जेल जान पनि सक्छु । तर मलाई अब चिन्ता छैन । किनभने, हामीसँग बालेन छ । यो देश बनाउन बालेन आएको छ । बालेनले हामीमाथि भएका सबै अन्यायको हिसाब लिनेछ ।’