गगनको नेतृत्वले कांग्रेसलाई कमजोर बनायो : नेता बस्नेत
मेयरसाप डेस्क
|
२०८३ जेठ २८ गते १६:४८
काठमाडौं । नेपाली कांग्रेसका नेता मोहनबहादुर बस्नेतले वर्तमान नेतृत्वको कार्यशैलीका कारण पार्टी इतिहासकै कमजोर अवस्थामा पुगेको आरोप लगाएका छन् ।
विराटनगरमा कांग्रेस इतर पक्षको भेलालाई सम्बोधन गर्दै उनले क्रियाशील सदस्यता नवीकरणको नाममा पुराना र स्थापित नेताहरूलाई योजनाबद्ध रूपमा पाखा लगाउने प्रयास भइरहेको दाबी गरे ।
बस्नेतले शशांक कोइराला, प्रकाशमान सिंह र विमलेन्द्र निधिजस्ता वरिष्ठ नेताहरूको सदस्यता नवीकरणमै अवरोध गरिएको उल्लेख गर्दै यसलाई कांग्रेस कमजोर बनाउने षड्यन्त्रको संज्ञा दिए ।
उनले वर्तमान सभापति गगन थापाको नेतृत्वमाथि प्रश्न उठाउँदै अब पार्टीलाई एकताबद्ध र सुदृढ बनाउन सबै नेता–कार्यकर्ता एकजुट हुनुपर्ने आवश्यकता औंल्याए ।
Facebook Comments