माधव नेपाल भन्छन्– ‘कम्युनिस्ट आन्दोलनको भविष्य अझै छ'
मेयरसाप डेस्क | १३ घण्टा अगाडि 
काठमाडौं । नेकपा एकीकृत समाजवादीका अध्यक्ष एवं पूर्व प्रधानमन्त्री माधवकुमार नेपालले कम्युनिस्ट आन्दोलनको भविष्य अझै रहेको बताएका छन् ।
बुधबार कीर्तिपुरमा आयोजित ४७औँ पुष्पलाल स्मृति दिवसको कार्यक्रमलाई सम्बोधन गर्दै उनले चुनौती आए भनेर निराश हुनुपर्ने आवश्यकता नरहेको धारणा राखे ।
उनका अनुसार, चुनौतीहरूको सामना गर्दै उद्देश्यअनुसार अघि बढ्न सके सही विचार प्राप्त गर्न सकिन्छ । उनले पार्टीभित्रका आन्तरिक कुराहरू पार्टीकै बैठकमा राख्न सुझाए ।
साथै, पार्टीको विरुद्धमा कसैले निराशाको प्रचार गरे, पार्टीका विरुद्धमा लागे, जथाभाबी बोले वा अनुशासन तोडे, त्यसको प्रतिवाद गरिने चेतावनी पनि दिए ।
