नवनियुक्त आईजीपी कार्कीलाई दर्ज्यानी चिह्न प्रदान

मेयरसाप डेस्क

काठमाडौं। नवनियुक्त प्रहरी महानिरीक्षक (आईजीपी) दानबहादुर कार्कीले दर्ज्यानी चिह्न लगाएका छन् । बिहीबार गृह मन्त्रालयमा आयोजित विशेष समारोहकाबीच कार्कीलाई दर्ज्यानी चिह्न प्रदान गरिएको हो । 

उनलाई गृह सचिव रामेश्वर दंगालले  दर्ज्यानी चिह्न लगाइदिए । प्रहरीको ३३औं आईजीपीका रुपमा कार्कीले बिहीबारदेखि नै आफ्नो कमाण्ड सम्हाल्नेछन् । 

३० वर्षे सेवा अवधिका कारण अघिल्ला आईजीपी चन्द्रकुवेर खापुङ कात्तिक २६ गते राति १२ बजेबाट अनिवार्य अवकाशमा गएका छन् । खापुङ अवकाशमा जानुअघि नै कात्तिक २५ गतेको मन्त्रिपरिषद बैठकले आईजीपीमा कार्कीलाई नियुक्त गर्ने निर्णय गरेको थियो ।