गुल्मी दरबार गाउँपालिकाको कार्यालय भवन निर्माण गर्न सुरु, वैशाखसम्म सम्पन्न गर्ने लक्ष्य

साढे चार करोड लागतमा १६ कोठाको दुईतले भवन निर्माण गरिँदै

मेयरसाप डेस्क

गुल्मी । गुल्मी दरबार गाउँपालिकाको कार्यालय भवन निर्माण गर्न सुरु गरिएको छ । गुल्मी दरबार–३ गौंडाकोटको म्यालपोखरीमा रु चार करोड ५० लाखको लागतमा १६ कोठाको दुईतले भवन निर्माण थालिएको छ । 

आगामी २०८४ वैशाख १५ गतेभित्र सम्पन्न गर्ने लक्ष्यका साथ धमाधम काम भइरहेको गाउँपालिकाका अध्यक्ष सरोजकुमार थापाले जानकारी दिए। आफ्नै कार्यालय भवन नहुँदा सेवा प्रवाहमा पालिकालाई कठिनाइ भएको थियो । 

स्थानीय म्यालपोखरी माध्यमिक विद्यालयसँग समन्वय गरी पालिकाको नाममा जग्गा व्यवस्थापन भएपछि भवन निर्माण थालिएको हो ।