पोखरा महानगरद्वारा रासायनिक मल बिक्री गर्न ७१ सहकारीको नाम सूचीकृत

शुक्रबार बसेको महानगरपालिका मल वितरण व्यवस्थापन समितिको बैठकले विभिन्न ७१ वटा सहकारीको नाम सूचीकृत गरेको समिति संयोजक तथा महानगरकी उपप्रमुख मञ्जुदेवी गुरुङले जानकारी दिइन् ।

पोखरा महानगरपालिकाले नेपाल सरकारले अनुदानमा उपलब्ध गराउने रासायनिक मल बिक्री वितरण गर्न ७१ सहकारीको नाम सूचीकृत गरेको छ । 


शुक्रबार बसेको महानगरपालिका मल वितरण व्यवस्थापन समितिको बैठकले विभिन्न ७१ वटा सहकारीको नाम सूचीकृत गरेको समिति संयोजक तथा महानगरकी उपप्रमुख मञ्जुदेवी गुरुङले जानकारी दिइन् । 


केन्द्र सरकारले तोकेको मूल्यमा युरिया, डिएपी र पोटासलगायत रासायनिक मल कृषकलाई दिनुपर्ने र मूल्यसूची देखिने गरी राख्नुपर्ने सर्तसहित सहकारीको नाम सूचीकृत गरेको उनले बताइन् । मल डिपोदेखि बिक्री केन्द्रको दूरीका आधारमा युरिया प्रतिकिलो १९ रुपैयाँ ४५ पैसादेखि २१ रुपैयाँ पाँच पैसासम्म निर्धारण गरिएको छ । डिएपीको प्रतिकिलो ४८ रुपैयाँ ४५ पैसादेखि ५० रुपैयाँ पाँच पैसा र पोटासको मूल्य ३६ रुपैयाँ ४५ पैसादेखि ३८ रुपैयाँ पाँच पैसासम्म तोकिएको छ।  
 

सूचीकृत बिक्रेतालाई मलको कोटा निर्धारण गरिएको छ ।